Andijon viloyat filiali omonatchisi holati bo‘yicha munosabat
Ayrim tarmoqlarda Infinbank Andijon viloyat filiali omonatchisining huquqlari buzilganiga oid tarqatilgan xabarlarga nisbatan quyidagilarni ma'lum qilamiz:
Birinchidan, Infinbank omonatlar daxlsizligi va kafolatlari bo‘yicha O‘zbekiston Respublikasi qonunchiligi talablariga to‘liq rioya qiladi.
Ikkinchidan, bank siri bo‘yicha ma'lumotlar daxlsizligi kafolatlaridan kelib chiqib, holat bo‘yicha quyidagilarni ochiqlash mumkin: Andijon viloyat filiali mijozi T.B. identifikasiyadan o‘tgan holda foydalanib kelgan bankning mobil ilovasi orqali onlayn omonat rasmiylashtirgan. 2022 yilning 7 noyabr' kuni omonatning 1.3 mlrd so‘mlik qismi pul mablag‘larini ilovadagi elektron hamyoniga o‘tkazgan. Hamyonga o‘tkazilgan mablag‘lar notarial rasmiylashtirilgan ishonchnoma orqali mijozning ishonchli vakili I.M. tomonidan shu kunning o‘zida bankning kassasidan naqd shaklda yechib olingan. Mijoz omonatining qolgan qismi bank omonatida saqlanmoqda.
Uchinchidan, bank mijozi bank bilan shartnomaviy munosabatlarida e'tiroz va qonun buzilishi holatlariga duch kelgan taqdirda huquqni muhofaza qilish organlariga va sudga murojaat qilish imkoniyatga ega ekanligi bir necha bor tushuntirilgan.
To‘rtinchidan, Bank mijozi va uning ishonchli vakili o‘rtasidagi kelishmovchilik va boshqa munosabatlarga bank aralasha olmaydi.
Bankimiz mijozlaridan tarmoqlarda tarqatilayotgan tasdiqlanmagan ma'lumotlarga ishonmasliklarini so‘rab qolamiz.
16.11.2022 holatiga bankomatlarga moʻljallangan barcha mablagʻlar toʻliq miqdorda mavjud boʻlib, barcha bankomatlar odatiy tartibda ishlagan. Pul mablagʻlariga oid hech qanday xatolik yoki uzilish kuzatilmagan.
Kreditga berilgan avtomobillardan taqiqni yechishga doir faktlar aniqlanmadi. Sizga shuni maʼlum qilamizki, filiallarda taqiqni yechish amaliyotini bajarish vakolati mavjud emas.
Infinbankda valyuta ayriboshlash kassasida. Nima sababdan valyuta ayriboshlash kassasida uzkard ishlamayapti?
Ayrim ijtimoiy tarmoqlarda tarqalgan murojaatga munosabat
ATB InFinBank Toshkent viloyat (Qibray) filialida 2022 yil 12 sentyabr' soat taxminan 12:00 lar atrofida valyuta ayirboshlash shahobchasida o‘rnatilgan UzCard terminalida texnik nosozlik kuzatilgan, tegishli xodimlar tomonidan qayta sozlash va tuzatish maqsadida terminal vaqtincha kassadan olingan va mijozlar uchun bu haqdagi tegishli e'lon kassa oynasiga joylashtirilgan.
Shu vaqt oralig‘ida faqatgina bir mijoz valyuta zarurligi, shu yerda almashtirishni talab qilganligi sababli chiqim kassasiga o‘rnatilgan naqd pul yechish uchun mo‘ljallangan terminaldan kartadagi pulni naqd yechish imkoni mavjudligi taklif qilingan va amaliyot bajarilgan.
12 sentyabr soat 16-00 xolatiga terminaldagi nosozlik to‘liq bartaraf etilgan va valyuta ayirboshlash shahobchasida mijozlarga odatdagi tartibda, xususan UzCard terminali orqali ham xizmat ko‘rsatilmoqda.
ATB InFinBank yuzaga kelgan noqulaylik uchun bank mijozlaridan uzr so‘raydi.
Oylik maoshni va shunga teng bo‘lgan naqd pullarni berishni bank qaysi muddat ichida amalga oshiradi?
Naqd pul mijozning talabi va talabnomasida ko‘rsatilgan vaqt ichida beriladi.
O‘zbekiston Respublikasida faoliyatini doimiy muassasa sifatida olib boruvchi norezidentning ishchilari-jismoniy shaxslarning hisob raqamlariga ish haqi uchun qarzdorlikni qoplash hisobidan xorijiy valyutadagi pul mablag‘larini doimiy muassasa o‘tkaza ola
O‘zbekiston Respublikasi Prezidentining 1996 yil 24 oktyabrdagi «Respublikada naqd xorijiy valyuta muomalasini tartibga solish choralari to‘g‘risida»gi PF-1601-sonli farmoniga muvofiq O‘zbekiston Respublikasi hududida yuridik va jismoniy shaxslar rezidentlar va norezidentlar, shu jumladan xorijiy sarmoyalar ishtirokidagi korxonalar tomonidan barcha turdagi ishlar va xizmatlar haqini, shu jumladan maosh va unga tenglashtirilgan to‘lovlarni berishda naqd xorijiy valyutada hisob-kitoblar hamda to‘lovlarni amalga oshirishlari qat'iyan man qilingan.
Mazkur to‘lovlar O‘zbekiston Respublikasining naqd milliy valyutasida, shuningdek so‘mlarni respublika tijorat banklaridagi tegishli hisobvaraqlarga o‘tkazish yo‘li bilan amalga oshirilishi mumkin. Norezidentlar uchun to‘lovlar yuqorida ko‘rsatilgan to‘lov shakllari bilan bir qatorda xorijiy valyutani ularning O‘zbekiston Respublikasidan tashqaridagi valyuta hisobvaraqlariga o‘tkazish yo‘li bilan amalga oshirilishi mumkin.
Hozirda mehmonxonalar ishchilarimizning mehmonxonada yashash uchun to‘lovni xorijiy valyutada amalga oshirishimizni so‘rashmoqda. Mehmonxonalarning yuqoridagi talablari qonuniymi?
O‘zbekiston Respublikasi Prezidentining 2016 yil 2 dekabrdagi «O‘zbekiston Respublikasining turizm sohasini jadal rivojlantirishni ta'minlash chora-tadbirlari to‘g‘risida»gi PF-4861-sonli Farmoniga asosan O‘zbekiston Respublikasi hududida mehmonxonalarda va boshqa joylashtirish joylarida xorijiy fuqarolarga hamda O‘zbekiston Respublikasida doimiy turar joyiga ega bo‘lmagan, fuqaroligi bo‘lmagan shaxslarga, joylashtirish bo‘yicha xizmatlarga shu jumladan turizm faoliyati sub'ektlari orqali haq to‘lash faqat erkin almashtiriladigan valyutada amalga oshiriladi, ular uchun to‘lov respublikaning taklif etuvchi davlat va byudjet tashkilotlari tomonidan amalga oshiriladigan holatlar bundan mustasno.
Men O‘zbekiston Respublikasi fuqarosiman. Mening akam xorijdan pul o‘tkazmasi (Western Union, MoneyGram va boshqalar) tizimi orqali nomimga pul yubormoqchi. Ushbu pul o‘tkazmalarini xalqaro pul o‘tkazmalari orqali olishimda to‘siqlar mavjudmi?
Amaldagi qonunchilikka ko‘ra jismoniy shaxslar O‘zbekiston Respublikasiga olib kirilgan va jo‘natilgan, shuningdek O‘zbekiston Respublikasidan olib chiqilgan va jo‘natilgan valyuta boyliklariga ega bo‘lishi va ushbu valyuta boyliklarini erkin tasarruf etishi mumkin.
Xalqaro pul o‘tkazmalari jismoniy shaxslar tomonidan hech qanday to‘siqlarsiz amalga oshiriladi va xalqaro pul o‘tkazmalari orqali yuborilgan pul mablag‘lari yuborilgan xorijiy valyutada qabul qilinadi.
Bizning tashkilotimiz xorijiy korxona bilan qarz shartnomasi imzoladi. Ushbu shartnomaga ko‘ra tashkilotimiz hisob raqamiga xorijiy valyuta kelib tushishi lozim. Mazkur mablag‘lar bizning bank hisob raqamimizga o‘tkazilishi uchun nima qilishim kerak?
Qonunchilikka muvofiq tashqi qarzni jalb etish bilan bog‘liq valyuta operatsiyasini amalga oshirish uchun talab qilib olguncha asosiy hisob raqam ochilgan bankka ariza, qarz shartnomasi va unga tegishli hujjatlarni topshirish lozim.
Bunda hujjat matni davlat yoki rus tilida bayon etilgan bo‘lishi, agar hujjat matni boshqa tilda bayon etilgan bo‘lsa, u legallashtirilgan yoki unga belgilangan tartibda apostil' qo‘yilgan bo‘lishi hamda davlat yoki rus tiliga tarjima qilingan va notarial tasdiqlangan bo‘lishi kerak.
Yuqoridagi hujjatlar topshirilgandan so‘ng bank qarz shartnomasi bo‘yicha kelib tushgan mablag‘larni korxonaning hisob raqamiga o‘tkazadi.
Tashkilotimizning hisob raqamiga xorijiy tashkilotlardan beg‘araz moliyaviy yordam kelib tushishi kerak. Ushbu mablag‘larning tashkilotimiz hisob raqamiga o‘tkazish tartibini tushuntirib bering?
Qonunchilikka muvofiq beg‘araz yordam oluvchilarning hisobvaraqlariga xizmat ko‘rsatish O‘zbekiston Respublikasi Tashqi iqtisodiy faoliyat Milliy banki va «Asaka» aksiyadorlik tijorat banklarining zimmalariga yuklangan.
Shu munosabat bilan, hisob raqamingizga xorijiy tashkilotlardan beg‘araz yordam mablag‘lari kelib tushganda O‘zbekiston Respublikasi Tashqi iqtisodiy faoliyat milliy banki va «Asaka» aksiyadorlik tijorat banklariga maxsus hisob raqam ochish uchun murojaat etishingiz zarur. O‘z navbatida, kelib tushgan mablag‘larni sizning maxsus hisob raqamingizga o‘tkazish uchun yuqoridagi banklarga topshiriqnoma berishingiz lozim.
Tashqi savdo operatsiyalarining yagona elektron axborot tizimiga (TSOYaEAT) yangi shartnomalar hamda ularga o‘zgartirish kiritish tartibini tushuntirib bering?
Tashqi savdo shartnomalari bo‘yicha axborotlarni Tashqi savdo operatsiyalarining yagona elektron axborot tizimiga (TSOYaEAT) kiritish «E-Kontrakt» yoki «VED kontrakt» dasturlari orqali amalga oshiriladi. Ushbu dasturlarda ishlash tartibi xizmat ko‘rsatuvchi bank tomonidan tushuntiriladi. Shuningdek, xizmat ko‘rsatuvchi banklar Tashqi savdo shartnomalari bo‘yicha axborotlarni Tashqi savdo operatsiyalarining yagona elektron axborot tizimiga (TSOYaEAT) kiritishda ham yordam berishlari mumkin.
