Kafolatlar

Kafolat — bu bankning mijoz majburiyatlarini bajarishini ta’minlash bo‘yicha moliyaviy majburiyati.

Kafolat turlari:

• Bojxona to‘lovlarini kechiktirib to‘lash uchun kafolat;

• Tanlov (tender) taklifi uchun ariza ta’minoti kafolati;

• Bojxona omborini tashkil etish uchun kafolat;

• Qattiq hisobot blankalarini olish uchun kafolat (BAHS “O‘zbekiston havo yo‘llari” MAK);

• Boshqa turdagi kafolatlar.

Kafolat valyutasi:

• O‘zbekiston Respublikasi milliy valyutasi — so‘m

• Chet el valyutasi

Milliy valyutada

Chiqarish uchun komissiya: taqdim etilayotgan kafolat summasining yoki limit summasining 3,5%dan, bank kafolati yoki bank kafolati limitining amal qilish muddatiga, biroq 1 yildan ortiq bo‘lmagan muddatga

Xorijiy valyutada

Chiqarish uchun komissiya: taqdim etilayotgan kafolat summasining yoki limit summasining 3%dan, bank kafolati yoki bank kafolati limitining amal qilish muddatiga, biroq 1 yildan ortiq bo‘lmagan muddatga

Agar kafolatning yoki bank kafolatlari limitining amal qilish muddati 1 yildan ortiq bo‘lsa, bir martalik komissiya har yili yoki kafolatning butun amal qilish davri uchun undiriladi.

Moliyalashtirish bo‘yicha komissiya: 29,99%. Bank tomonidan kafolat summasi Bankning o‘z mablag‘lari hisobidan to‘langan taqdirda undiriladi

Mijoz va uning faoliyatiga qo‘yiladigan majburiy talablar:

• Kredit oluvchining tadbirkorlik subyekti sifatida davlat ro‘yxatidan o‘tganiga kamida 6 oy bo‘lgan bo‘lishi;
• “InFinBank” AJda talab qilib olinadigan (asosiy yoki qo‘shimcha) depozit hisobvarag‘ining mavjudligi;
• Salbiy kredit tarixining yo‘qligi;
• Kredit oluvchining balansi likvid bo‘lishi va faoliyati zarar bilan yakunlanmagan bo‘lishi;
• “Kartoteka-2” mavjud emasligi;
• Kreditga layoqatlilik darajasi 3-darajadan past bo‘lmasligi

*Agar kreditga layoqatlilik darajasi 3-darajadan past bo‘lsa, Bank faktoring bo‘yicha arizani likvid ta’minot mavjudligi va garov huquqining rasmiy ro‘yxatdan o‘tkazilishi sharti bilan ko‘rib chiqishi mumkin.

Mijoz tomonidan taqdim etiladigan hujjatlar ro‘yxati:

1. Kafolat shartlari va xizmat turi ko‘rsatilgan ariza;
2. Ta’sis shartnomasi, ustav hamda ularga kiritilgan barcha o‘zgartish va qo‘shimchalar;
3. Korxonaning buxgalteriya hisobotlari joriy oyning birinchi sanasiga: “1-shakl: Buxgalteriya balansi”, “2-shakl: Moliyaviy natijalar hisobotlari”, asosiy vositalar to‘g‘risidagi ma’lumotlar, foyda taqsimoti, debitor va kreditor qarzdorlik ma’lumotlari;
4. Vakolatli organ qarori — kafolat olish va ta’minot taqdim etish to‘g‘risida, unda olinayotgan kafolat hamda taqdim etilayotgan garov haqida ma’lumot bo‘lishi lozim.
5. Bankning ichki normativ hujjatlarida belgilangan talablarga muvofiq taqdim etiladigan ta’minot hujjatlari;
6. Ta’minot bilan bog‘liq hujjatlar.
7. Kafolat berish uchun asos bo‘ladigan hujjatlar: tender hujjatlari, tegishli shartnomalar va boshqa zarur hujjatlar.
8. Bank kafolati matni va/yoki talabnoma loyihasi.
9. Shartnomalarni imzolash huquqini tasdiqlovchi imzo namunalari nusxasi.
10. Boshqa banklarda ochilgan hisobvaraqlar ro‘yxati.

*Xatarlarni kamaytirish maqsadida Bank qo‘shimcha hujjatlarni taqdim etishni talab qilishi mumkin.