Yangiliklar va press-relizlar

АTБ «InFinBank»  Сифат менежменти тизими мувофиқлик сертификатини олганлигини ва шу тариқа Ўзбекистон Республикасида ISO 9001:2015 халқаро стандарти янги таҳрирдаги сертификатига эга ягона ва биринчи Банк, яъни мижозлар билан ўзаро муомала қилиш тамойиллари ва жараёнлари сифат менежменти бўйича бутун дунёда тан олинган талабларга жавоб берувчи Банк бўлганини фахр билан эълон қилади. Сертификатлаш соҳаси Банк Бош офиси, шунингдек, Банкнинг мамлакатимиз деярли ҳамма минтақаларида фаолият юритувчи 12 филиали томонидан ҳам жисмоний, ҳам юридик шахсларга барча банк хизматларини кўрсатишни ўз ичига олади.
ISO 9001:2015 бўйича сертификатлаш бошқарув сифати, Банкни ташкил қилиш ва унинг фаолияти сифатга, яъни мижозларга тақдим этиладиган маҳсулотлар ва хизматларнинг сифат кўрсаткичлари яхшиланиши, банк ички жараёнларининг шаффофлиги ва самарадорлигига йўналтирилганлиги бўйича энг яхши тажрибага эга эканлигимизнинг тасдиғи ва муносиб баҳоланиши ҳисобланади.  ISO 9001:2015 сертификати – бу нафақат Ўзбекистонда, балки хорижда ҳам умумқабул қилинган менежмент даражаси демак. Бундай даражага биз авваламбор Банк бутун меҳнат жамоасининг якдил фаолият юритиши ҳисобига эриша олдик. ISO сертификатига эга бўлиш бутун Банк жамоаси учун катта шараф ҳамда биз мижозларимизга энг юқори савияда хизмат кўрсатаётганлигимиз ва мижозларимиз нафақат кўрсатилаётган банк хизматлари сифати, балки хизмат кўрсатиш жараёнида уларга қаратилаётган эътибордан ҳам янада кўпроқ мамнун бўлишлари учун барча имкониятларни ишга солаётганимизнинг белгисидир.

АТБ «InFinBank» Кенгашининг 2016 йил 12 майдаги мажлиси қарорига асосан, 2016 йилнинг 25 май куни соат 17.00 да, Тошкент шаҳри, Навоий кўчаси, 18-б уйда жойлашган АТБ «InFinBank» конференц залида Банк акциядорларининг навбатдаги йиллик умумий йиғилиши бўлиб ўтишини маълум қилади.

АТБ «InFinBank» жамоаси Сизни  - 9 май – Хотира ва қадрлаш куни  билан чин кўнгилдан муборакбод этади.
Сизга ва яқинларингизга тинчлик, соғлик, бахт ва хотиржамлик тилайди!
Ҳурматли Фахрийларимиз – Сизга бош эгиб таъзим қиламиз ва чин юракдан минатдорчилик билдирамиз.

Ўзбекистон Республикаси Марказий банки Бошқаруви томонидан қайта молиялаш ставкасини йиллик ҳисобда 9 фоиз даражасида сақлаб қолиш тўғрисида қарор қабул қилинди.

20 апрель куни Ўбекистон банклари Ассоциацияси  биносида,   Ўзбекистон Республикаси Марказий банки томонидан  Олий Мажлис Қонунчилик палатаси  ҳамда Ахборот ва коммуникация технологиялари масалалари қўмитаси, Ўзбекистон банклари ассоциацияси ва Ахборот технологиялари корхоналари ва ташкилотлари ассоциацияси  ҳамкорлигида  13-14 апрель кунлари бўлиб ўтган    "BankExpo-2016” IХ миллий кўргазмаси ниҳоясига бағишланган ва унда  фаол иштирок этган банкларни  тақдирлаш маросими ўтказилди. Унга кўра  АТБ «InFinBank» - “Энг яхши ахборот билан таъминланган стенд” номинацияси ғолиби деб топилди.

ҲУРМАТЛИ БАНК МИЖОЗЛАРИ!!!

Ўзбекистон Республикасининг Бюджет, Солик ва Божхона кодекслари хамда Ўзбекистон Республикаси Президентининг 2007 йил 28 февралдаги ПК–594–сон «Давлат бюджетининг ғазна ижроси тизимини янада ривожлантириш чора-тадбирлари тўғрисида»ги Қарори, Ўзбекистон Республикаси Вазирлар Маҳкамасининг 2015 йил 5 мартдаги 1-сонли мажлис баёнлари талабларини бажариш мақсадида, 2016 йил 4 апрелдан тижорат банкларининг дастур таъминотига, солиқлар ва бошқа мажбурий тўловларни ўтказишда қуйидаги талаблар қўйилмоқда:

Пул ҳисоб-китоб ҳужжати шаклига ўзгартириш киритилмоқда.

1-Иловада юридик шахслар учун тўлов топшириқномаси шаклининг янги кўриниши;
2-Иловада жисмоний шахслар томонидан Давлат бюджетига ҳамда бюджетдан ташқари мақсадли жамғармаларга солиқлар ва мажбурий тўловлар нақд пулда тўланаётганда тўлдирилиши лозим бўлган эълон шаклининг кўриниши;
3-Иловада жисмоний шахслар томонидан Давлат бюджетига ҳамда бюджетдан ташқари мақсадли жамғармаларга солиқлар ва мажбурий тўловлар пластик карточка орқали тўланаётганда тўлдирилиши лозим бўлган квитанция шаклининг кўриниши.

Солиқлар ва мажбурий тўловлар бюджет ва бюджетдан ташқари мақсадли жамғармаларнинг транзит (20205, 20207, 23402 /Молия Вазирлиги Ғазначилиги ҳ/в дан ташқари/, 23403, 23407, 23411) ҳисобварақларига ўтказилаётганда қўшимча талаблар қўйилмоқда:

1. 25-хонали код «Даромаднинг ғазна ҳисобварағи» (рўйхатдан ўтган туман солиқ инспекциясидан аниқлаштириш лозим);

2. 4-Иловада келтирилган тўлов мақсади кодларига мувофиқ, тўланаётган солиқ ва мажбурий тўловлар тўлов мақсадига аниқлик киритиш.