InfinBANKʼdan bahoriy taklif – Nastarin depoziti
Oʻz jamgʻarmangizni InfinBANK taklif etayotgan yillik 22 foizli Nastarin depoziti bilan koʻpaytiring.
Nastarin muddatli depoziti milliy valyutada qoʻyilib, jami 15 oyga moʻljallangan. Minimal depozit summasi 10 mln soʻmni tashkil etadi, yillik foiz stavkasi esa 22%ga teng. Foizlar avtomatik tarzda hisoblanib, mijozning talab qilib olingunga qadar boʻlgan depozit hisobvaragʻi yoki elektron hamyon hisobvaragʻiga oʻtkaziladi.
Depozit muddati tugagunga qadar kiritilgan pul mablagʻlarini, kamida 10 mln soʻmga teng qoldiqni saqlash sharti bilan, qisman yechib olish mumkin. Depozit belgilangan muddatdan oldin yopilganda, hisoblangan foizlar toʻliq oy uchun toʻlab beriladi. Shuningdek, mazkur depozitni ham ilova yordamida, ham bank filialiga tashrif buyurgan holda ochish mumkin. Bu esa mijozga qoʻshimcha qulaylik yaratadi.
