Parijdan Samarqandga!
Markaziy Osiyoda ilk bor kanoeda eshkak eshish bo‘yicha Jahon chempionati bo‘lib o‘tadi.
23-25 avgust kunlari mamlakatimizning tarixiy poytaxti Samarqand shahri dunyoning 50 ta davlatidan 300 dan ortiq eshkak eshuvchilarni qabul qiladi. Chempionat tashkilotchisi – O‘zbekiston eshkak eshish va kanoeda eshkak eshish Federatsiyasi mamlakatimizda mazkur sport turini rivojlantirishga muhim hissa qo‘shmoqda.
Jamiyatda sportni rivojlantirish va ommalashtirish tashabbusini qo‘llab-quvvatlagan holda, InfinBANK baydarka va kanoeda eshkak eshish bo‘yicha birinchi jahon chempionatining rasmiy homiysi bo‘ldi. Eshkak eshish – kuch, intizom va jamoaviy ruhni talab qiladigan sport turi bo‘lib, bu Bank qadriyatlariga mos keladi. Bundan tashqari, bu sportchilarni qo'llab-quvvatlash va sportning ushbu turi bilan shug'ullanish uchun ajoyib imkoniyatdir.
InfinBANK barcha darajadagi sportni qo‘llab-quvvatlashda, sport infratuzilmasiga sarmoya kiritishda, sport tadbirlarini tashkil etishda va sportni keng aholi uchun qulay va serzavq qilish uchun homiylik qilishda faol qatnashadi.
Sport jamoatchiligidagi mazkur muhim voqea turli toifadagi sportchilarni, jumladan, xalqaro jahon medallari sovrindorlarini ham jamlaydi. Ular suv sporti olamida yorqin va esda qolarli lahza bo‘lishini va’da qilgan musobaqalarda ishtirok etadi. Shuningdek, mazkur tadbir viloyatda sportning ushbu turini rivojlantirish, yangi iste’dod egalarini jalb etish, faol hayot tarzini targ‘ib etishdan iboratdir.
Musobaqa oʻtkaziladigan joy Buyuk Ipak yoʻlining qoq markazida joylashgan “Abadiy shahar” bogʻidagi goʻzal eshkak eshish kanalida bo’lib o’tadi. Shu tariqa musobaqa nafaqat sportchilar, balki Samarqandning muhtasham tabiati va madaniy merosidan bahramand bo‘ladigan tomoshabinlar e’tiborini tortadi.
Rasmiy ochilish marosimi 23 avgust kuni mahalliy vaqt bilan soat 19:00da bo‘lib o‘tadi, biroq birinchi suzishlar o‘sha kuni soat 9:00da boshlanadi. Keyingi kunlarda sovrinli suzishlar kutilmoqda. Tadbirning uch kunlik dasturi turli masofalar va suzish turlari bo'yicha mashg'ulotlarni o'z ichiga oladi:ayollar, erkaklar va aralash.
Sportchilarimizni qo'llab-quvvatlashni, hayajonli tomoshadan bahramand bo’lishni va sevimli sportchilari bilan birgalikda o’z his-tuyg'ularini bo’lishish istagida bo’lgan har bir kishi uchun kirish bepul.
