NAQD PUL YECHISH HAQIDAGI MUROJAATGA JAVOB

2022-yilning 10-oktabr kuni ijtimoiy tarmoqlarda InfinBANK bankomati kartadan pulni yechib, ammo naqd pul bermagani haqida gapirgan shaxsning videosi tarqaldi.

Biz holatni diqqat bilan oʻrganib chiqib, texnik uzilish sabab pul kartadan yechilgani, ammo bankomat naqd pul bermaganini aniqladik. InfinBANK tizimi shunday yoʻlga qoʻyilganki, xatolik aniqlangandan keyin, pul avtomatik tarzda mijoz kartasiga bir necha soniyada qaytarilgan. Bu faktni “Yagona Umumrespublika Protsessing Markazi” tomonidan berilgan mijozning kartasidan olingan koʻchirma ham tasdiqlamoqda.